taschenwerkstatt.ch

Ou die beide Holzröst für e selber gschweisst Stuhlrahme si fertig worde.

I ha e Afrag übercho,  e Klavier-Jukebox für nes Fest vonere Musikschuel z boue.

I dr Generationewerkstatt vom Kirchgemeindshaus Bolligen hei mir sie umgsetzt.

Mit em Leitspruch vor Astrid Lindgren „Das haben wir noch nie probiert, also geht es sicher gut“ hei mir üs iz Projekt gstürtzt.

D Idee isch im Februar 2025 uf emene FlipChart festghalte worde.

När isches  id Planung u Umsetzig gange,  agil und interdisziplinär 🙂

Im Mai hani dr Schweisskurs ar TF Bern bsuecht.  Dert hani verschiedeni Schweisstechnike kenne glernt u ganz vieli Schweisslöchli produziert 🙂

Ou dank dr Unterstützig vo de Lernende hani am Schluss mis Stuhlgstell chönne hei nä.

I bi no bir Schreinerei verbi, wo si mir Holzlatte für mi Sitz u Lehne hei zwäg grichtet.

So u iz hoffi, gly chönne wyter z’mache..

Es gmeinsams Gotti-Projekt … es richtig grosses Rössli mit ere Mähne zum Zöpfle.

Agfange hets e so…

…. mit ere Boualeitig u em Ziel, dass mis 7be jährige Gottemeiteli cha helfe boue.

Ir Stadt hei mir Kordle fürd Mähne kouft u när gmässe u zuegschnitte.

D Latte hei mir uf dr Ständerbohrmaschine so richtig seriemässig bohrt. Mit em Hobel si Kante schön abgrundet worde. D Spän het me grad fürz Osternästli chönne bruche.

Z Gotti het de zwüschedüre z Gröbere boue.

D Bei i de richtige Winkle z sage u montiere, isch d Useforderig vom Gotti gsi …. Wackeltest bestande.

Gmalt hei mir beidi. Vorbild dr chly Unggle vor Pippi Langstrumpf.

Z A..loch bohre, d Latte montiere u wyteri Farbschichte röllele, hets Gotti überno.

De hei mir no e echte Sattel übercho, wo me het müesse montiere. Das hani ou chly Pippi mässig gmacht… mit em ne Outogurt ud Stygbügle mit alte Spanngurte 😉

Am Schluss hets no Pünktli u Ouge übercho. Ou d Mähne het müesse iglimet werde.

---

Verschiedeni Technike hani brucht, nöi glehrt u ou müesse üebe.

---

---

---

---

Nöi Features: Frontlichter, Blinker u Bremslichter

Arduino mit Lichtschranke u C programmiert.

Me het müesse löte, käbele etc. Wyter si Befestigunge 3D druckt worde.

Aus Eichenrestholz habe ich einen Spiegelrahmen gewerkelt.

P.S. Waschtisch designed by me… und bei der Umsetzung durfte ich mithelfen.

E Vortrag über Igel het üses Interässe gweckt u de hei mir afa boue…

Mir hei e Kamera installiert u ghoffet, me gsäch de, ob öpper Interesse a üsne Unterkünft het.

U siehe da, es het würklich es Igeli im Garte!

Z Kinderspielhüsli isch chly erhöht, verschalet u verwinklet worde.

Ir Werkstatt isch no ganz es nöis Hüsli bout worde.

Natürlich darf ou d Tränki nid fähle.

Iz beobachte mir wyter, was im Garte so louft.